Valg i Grønland - Kalaallit Nunaanni qinersineq – maanna qinersisinnaavutit!
Haluu kalaallit qinersisartut nunani allaniittut tamassi
Inatsisartunut qinersineq ingerlanneqassaaq ulloq 25. marts 2025. Tamatumunnga ingiaqatigitillugu Kalaallit Nunaanni najukkani qinersineq ingerlanneqassaaq ulloq 1. april 2025
Qinersisartut maannangaaq qinersinissanut allakkatigut qinersisinnaalereerput.
Qinersisinnaatitaaneq
Kalaallit Nunaanni qinersinissamut qinersisinnaatitaanissamut piumasaqaatit makkua naammassisimassavatit:
- Minnerpaamik qaammatini arfinilinni Kalaallit Nunaanni najugaqarsimassaatit
- Kalaallit Nunaanni suli najugaqassaatit
- Qinersisartut allassimaffianni ilanngunneqarsimassaatit
Kalaallit Nunaata avataanut nunassissimaguit, qinersisinnaatitaanerit annaasussaavat aammalu qinersisartut allassimaffiannit peerneqartussaallutit.
"Taamaattoq immikkut ittumik inissisimasut qinersisinnaatitaaginnarsinnaapput
Ilinniartut, napparsimasut, folketing-imi ilaasortat aamma Namminersorlutik Oqartussat aallartitai kiisalu inuit tamatumunnga sanilliunneqarsinnaasut, qinersisinnaatitaaginnarsinnaapput. Tamanna aamma taakkua katissimallugu aappaannut aammalu inooqataannut atuuppoq.
Taamaattoq Kalaallit Nunaata avataani nunassikkallarsimanissaq, aammalu Kalaallit Nunaanniit nuunnissat sioqqullugu piffissami sivikinnerpaamik ukiuni marlunni ataqatigiinni Kalaallit Nunaanni najugaqarsimassasutit, piumasaqaataapput. Tamatuma saniatigut Kalaallit Nunaanni kommunimi kingullermik inuit nalunaarsorsimaffianni nalunaarsorsimaffigisimasarni qinersisartut allassimaffianni ilanngunneqarnissaq illit nammineerlutit isumagissagit, piumasaqaataavoq.
Annertunerusut atuarsinnaavatit uani.
Imatut allakkatigut qinersissaatit
Nunani allaniikkuit, nunami sumiifferni danskit imaluunniit kalaallit sinniisoqarfiini suniluunniit allakkatigut qinersisinnaavutit. Kinaassutsimut uppernarsaativit atuuttup (pas, biilersinnaanermut allagartaq il.il.) nassarnissaa eqqaamassavat.
Taasinerpit piffissaq eqqorlugu apuussinnaanissaa qulakkeerniarlugu, ulloq 25. marts 2025 tikitsinnagu taasissaatit."